Tgheslacht
Van desen Hondsloock vindtmen nu ter tijt twee gheslachten/ een groot/ ende een cleyn/ anders malcanderen ghelijck.
Tfatsoen
|
Pancratium, Scilla, Hondsloock |
Muscari neglectum - Troshyacint
Zie alle foto's van Bioweb Plantengids
|
Pancratium maius, groot Hondsloock |
[694] 1 Dat grootste Hondsloock heeft langhe breedachtighe bladeren/ ende daer en tusschen wast eenen rechten ronden steel/ voortbringhende veel peersachtighe blauwe bloemkens deen boven dandere rontsomme den steel gheset/ die van onder opwaert bloeyen. Die wortel es ront ghelijck eenen Aijeuijn.
Muscari neglectum - Troshyacint (andere vorm) |
Pancratium minus, cleyn Hondsloock |
2 Dat cleyn Hondsloock es den voorghescreven van bladeren bloemen ende wortelen ghelijck/ maer mindere.
Plaetse
Hondsloock wast tot sommighe plaetsen in die bosschen/ maer hier te lande en worddet niet ghevonden/ dan in der cruytliefhebbers hoven/ daer tselve gheplant wordt.
Tijt
Hondsloock bloeyet in tlaetste van Aprill ende in Meye.
Naem
Dit cruyt wordt gheheeten in Griecx ende in Latijn Pancratium/ van sommighen oock Scilla/ om dat den squillen van natueren gelijck es. In die Apoteke eest met sijnen rechten naem onbekent. In Hoochduytsch worddet ghenaemt Hundsknoblauch/ ende daer naer in onse tale Hondsloock.
Natuere
Hondsloock es werm ende drooghe van natueren den zee Aijeuijn ghelijck. |