|
Tfatsoen
Crithmum maritimum - Zeevenkel
Zie alle foto's van Bioweb Plantengids
|
Crithmon, Crithamon, Crithmum, Crithimum, Bati (Creta marina), Creta marina
- 1644 Vlaams: Creta marina, Venckel (Zee-)
- 1616 Latijn: Crithmum marinum [705]
- 1554/1557: Bacille, Bati, Creta marina, Crete marine, Crithmum, Fenoil marin
|
Creta marina heeft vele vette dicke langhe smalle bladerkens schier ghelijck die Porceleyne. Die steel es ront ende wast eenen voet oft onderhalven voet hooch/ ende daer op comen voort ronde croonkens/ die voortbringhen witte bloemkens/ ende daer naer den Venckel sade ghelijck maer meerder. Die wortel es dick ende welrieckende.
Plaetse
Dit cruyt groeyet aen die canten van der zee/ ende in soute landen/ ende wordt tot veel plaetsen van Spaengien Vranckrijck ende Engelant aen die zee canten overvloedich gevonden. In Brabant worddet in der cruytliefhebbers hoven gheplant.
Tijt
Creta marina bloeyet hier te lande in Oostmaent ende Herfstmaent/ maer daert op sijnen natuerlijcken gront staet daer bloeyet vroegher.
Naem
Dit cruyt wordt gheheeten in Griecx Crithmon ende Crithamon. In Latijn Crithimum ende Bati. In die Apoteke Creta marina/ ende met dyen naem eest in Vranckrijck ende hier te lande bekent.
Natuere
Creta marina es drooghe van natueren ende afvagende/ ende middelmatich werm.
Cracht ende werckinghe
A Die bladeren oft saet oft wortelen/ oft alle gader tsamen in wijn ghesoden ende ghedroncken/ doen water maken/ verwecken die natuerlijcke cranckheyt van den vrouwen/ ende sijn goet tseghen die geelsucht.
B Die bladeren van desen worden in pekel geleyt ende bewaert ende daer uut gegheten |