 |
Leesmaar.nl |
Sitemap |
Plantaardigheden.nl |
|
| 1554 | Cruijdeboeck met transcriptie (overgeschreven) |
| A | B | C | D | E | F | G| H | IJK | L | M | N | O | P | QR | S | T | U | V | WXYZ | |
Voorwerk Nederlandse, Duitse, Franse, apothekers-, Latijnse en Griekse namen |
|
Deel 5 Cruyden, wortelen ende vruchten, diemen in die spijse ghebruyckt Planten Alfabetisch |
|
| Register van die cracht der Cruyden | |
| * Oude Nederlandse namen | |
| * Project Dodoens | |
| Woordenboek Nederlandsche Taal | |
| Plantago PlantIndex | |
| Letter: druk op CTRL, draai ook aan muiswiel | |
| Bijgewerkt 21-01-2023 | |
« Cruijdeboeck deel 5 capitel 13, bladzijde 602-604 Zie volgende pagina »
Van Havickscruyt. Cap. xiii.
| 1 | |
 |
Hieracium umbellatum - Schermhavikskruid |
| 2 | |
 |
Hypochaeris radicata - Gewoon biggenkruid |
| 3 | |
 |
Leontodon autumnalis - Vertakte leeuwentand |
| 4 | |
 |
Crepis tectorum - Smal streepzaad |
|
Havickscruyt es tweederleye als Dioscorides scrijft/ Groot ende cleyne/ van den welcken dat cleyn dryerleye es. |
||||||||||||||||||||||||||||||||||||||||
 |
|||||||||||||||||||||||||||||||||||||||||
|
[603] 1 Dat Groot Havickscruyt heeft eenen rouwen roodachtighen holen steel. Die bladeren sijn lanck over beyde sijden diep ghekerft/ ende met stekende punctkens beset/ den bladeren van Gansen distel volnaer ghelijck. Op dopperste van den stelen wassen langachtighe bollekens/ die voortbrenghen geele ghevulde bloemen ghelijck die bloemen van Gansen distel/ die oock in hayrachtighe bollekens vergaen ende wech stuyven. Die wortel es niet seer lanck ende heeft veel veselinghen.
2 Dat ierste gheslacht van cleyn Havickscruyt heeft langhe ghesneden bladeren/ den bladeren van Papecruyt schier ghelijckende/ maer niet zoo groot oft zoo diep ghesneden die op der eerden uutghespreyt ligghen/ Tusschen den welcken voortcomen die bruyne/ cale/ glattighe stelen/ voortbringhende geele ghevulde bloemen/ die oock in wollachtighe oft hayrachtighe bollekens vergaen/ ende met winde wech stuyven. Die wortel es lanck/ dun/ effen ende wit.
3 Dat ander cleyn Havickscruyt es den voorghescreven van stelen ende bloemen ghelijck/ die bladeren ligghen oock op der eerden uutghespreyt/ maer sijn minder/ smalder ende dieper ghekerft dan die bladeren van den voorghescreven. Ende dit Havickscruyt en heeft gheen rechte wortel/ maer sijn wortel schijnt afghebeten/ ghelijck die wortel van Duyvels beet/ daer af in dierste Cruijdeboeck deel ghescreven es/ ende heeft veel aenhanghende faselinghen.
4 Dat derde es dat alderminste van den dryen cleynen/ ende es den iersten Havickscruyde van bladeren/ bloemen/ stelen/ ende wortelen seer ghelijck/ maer veel mindere. Die |
||||||||||||||||||||||||||||||||||||||||
|
 |
||||||||||||||||||||||||||||||||||||||||
|
[604] bladeren sijn oock heel cael/ ende niet zoo bruyn gruen als die bladeren van den iersten Havickscruyde.
Dese cruyden wassen op ongheboude plaetsen by den canten van den beempden/ corenvelden/ ende by den weghen ende watercanten.
Dese cruyden bloeyen van in Braeckmaent tot in Herfstmaent.
Havickscruyt wordt gheheeten in Griecx Hieracion/ van sommighen Sonchites. In Latijn Accipitrina/ van Apuleius oock Lactuca sylvatica, Aspideton, Picris ende Thridax agria. 1 Dat ierste gheslacht van Havickscruyt wordt gheheeten in Griecx Hieracion mega. In Latijn Hieracium magnum/ van sommighen Sonchites/ Lampuca oft Sitheleas. In Hoogduytsch/ Grosz Habichkraut. In Neerduytsch/ Groot Havickscruyt. 2 Dat cleyn gheslacht heet in Griecx Hieracion micron. In Latijn Hieracium parvum/ van sommighen Intybum agreste/ oft Lactuca minor. In Hoochduytsch Kleyn habichkraut. In Neerduytsch/ Cleyn Havickscruyt. 3 Dat tweeden cleyn gheslacht wordt van sommighen oock Morsus diaboli/ Teuffels abbisz/ dat es Duyvels beet/ gheheeten/ ende dat om dat die wortel onder oock afghebeten es/ ghelijck die wortel van Duyvels beet.
Dese cruyden sijn cout ende drooghe van natueren.
A Van crachten ende werckinghe sijn dese Havickscruyden den Sonchen seer ghelijck/ tot alle saken dienstelijck daer die Sonchen goet toe sijn/ in der selver manieren gebruyckt. B Dese cruyden sijn oock goet tot den ooghen ende tghesichte alsmen tsap van den selven daer in druypt/ ende sonderlinghe van tghene datmen Duyvels beet heet. |
||||||||||||||||||||||||||||||||||||||||
|
 |
||||||||||||||||||||||||||||||||||||||||
