Italiaensche Claveren sijn tweederleye van gheslachte/ die wy hier te lande ghesien hebben. Dat ierste gheslacht heeft platte ghedrayede hauwkens/ ende dat ander langhe rouwe ende stekende ghedraeyde hauwkens/ ende anders sijn sy malcanderen seer ghelijck.
1554/1557: Claveren (Italiaensche), Foin de Bourgongne, Medica
1 Dat ierste gheslacht van Italiaensche Claveren heeft veel ronde teere steelkens/ ende daer aen wassen bladeren den ghemeynen Claverbladen ghelijck. Die bloemkens sijn cleyn bleeck geel van verwen ende wassen ghemeynlick drije by een. Ende als die vergaen zoo comen daer platte hauwkens voort/ die huer in een draeyen gelijck slecken huyskens/ ende daer in leyt dat saet dat plat es. Die wortel es dun/ ende die vergaet hier te lande/ als sy eens saet ghelevert heeft.
2 Dat ander gheslacht van Italiaensche Claveren/ es den anderen van stelen ende bladeren seer ghelijck/ maer sijn hauwkens en sijn niet plat/ maer lanckworpich met scerpe puntkens beset/ daer in dat saet leyt den anderen ghelijck.
Noot: Een derde soort bij Clusius (1557), die Oxytriphyllon, Glaux, Anthyllis,
Polygala werd genoemd. Dit is de
[542] Dit gheslacht van Claveren wordt ghenaemt in Griecx Medice. In Latijn Medica/ ende hier te lande onder die cruytliefhebbers Italiaensche Claveren. In die Apoteken eest onbekent.
Natuere
Italiaensche Claveren sijn cout van natueren.
Cracht ende werckinghe
A Italiaensche Claveren sijn goet tot alle heete ghebreken ende apostumat