Doronicum heeft eenen rechten ronden steel ontrent onderhalven voet hooch wassende/ daer aen wassen langhe smalle bladeren den bladeren van Vilieren ghelijck. Op dopperste van den stelen wassen schoone geele bloemen. Die wortelen sijn cort dickachtich van buyten geel van binnen wit/ suet van smaecke.
Plaetse
Doronicum wast in Sin als Serapio scrijft dat es in Syrien als Pandestarius uut leyt. Ende oock op sommighe gheberchten in Italien.
Naem
Dese wortel wordt gheheeten van den Arabeuschen meesters Haronigi, Doronigi oft Darugin. In die Apoteke Doronicum te Venegien Dulcichinum.
Natuere
Serapio scrijft dat Doronicum werm es tot in den derden graedt.