Naem
[343] Dese vetticheyt wordt gheheeten in Griecx Ladanon. In Latijn Ladanum. In die Apoteken Lapdanum.
Natuere
Ladanum es werm tot volnaer in den tweeden graedt/ ende drooch ende tsamen treckende van natueren.
Cracht ende werckinghe
A Ladanum met ouden wijn ghedroncken stelpt den loop desbuycx ende doet die urine lossen.
B Ladanum es oock seer goet tot die herdicheyt van der moedere met een pessus ghebruyckt/ ende doet die secondine afcomen op gloeyende colen gheleyt/ ende den roock daer af van onder ontfanghen.
C Tselve Ladanum met myrrha ende olie van myrthus/ es goet tseghen dat uutvallen des hayrs op thooft ghestreken/ want het maeckt dat het hayr niet meer uut en valt/ maer daert uutghevallen es/ en kant gheen ander doen groeyen.
D Ladanum met huenich water oft olie van Roosen vermenght versuet ende gheneest die pijne der ooren daer in ghedruypt.
E Als Ladanum met wijn vermenght op die litteken ghestreken wordt/ zoo doet het die selve vergaen.
F Ladanum dient oock seer wel in alle salven ende plaesteren die verwermen/ vermorwen ende pijne versueten/ ende die op die borst tseghen den hoest goet gheleyt sijn.
Eynde des tweede deels
 |