Leesmaar.nl
Dodoens en andere bijzondere boeken

Sitemap
Index

Plantaardigheden.nl
Artikelen over planten

Leeswerk.nl
Plantenboeken opengelegd

Voorwerk Nederlandse, Duitse, Franse, apothekers-, Latijnse en Griekse namen

Deel 1

Deel 2 Bloemen, welrieckende cruyden, saden, ende dyer ghelijcken Planten Alfabetisch

Deel 3

Deel 4

Deel 5

Deel 6

Lavandula stoechas - Kuiflavendel

• Cruijdeboeck deel 2 capitel 69 Bladzijde 293

Tfatsoen

Lavandula stoechas - Kuiflavendel

Stichas, Stoechas (Stichas Arabica, Stoechados Arabicum), Stichas cruyt 1644 Vlaams: Stichas(cruydt) 1616 Latijn: Stoechas 1554/1557: Astochodos, Stichas, Stichas Arabica, Stoechados Arabicum, Stoechas

Dit cruyt es een schoon seer wel ende liefelijck rieckende cruyt/ veel teere tacxkens hebbende daer aen wassen langhe smalle witachtige bladerkens minder/ teerder ende sueter rieckende dan die Lavender bladeren. Op dopperste van den stelen wassen schoone dicke aren/ voortbringhende vele in een ghedronghen cleyne blauwachtighe bloemkens. Ende dese aren vindt men al om in die Apoteken te coope onder den naam Stoecados Arabicum.

Daer es oock noch een ander cruyt datmen in die Apoteken Stichas citrina heet/ daer af in onsen iersten boeck in lix.Capittel ghescreven es.

Plaetse

Dit cruyt wast in die eylanden gheheeten Stoechades/ tseghen over Massilien gheleghen/

• Cruijdeboeck deel 2 capitel 69 Bladzijde 294

[294]    ende in Arabien. Hier te lande worddet van sommighen cruytliefhebbers ghesayet ende met groote neersticheyt bewaert.

Tijt

Stichas bloeyet met die Lavender in Braeckmaent ende in Hoymaent.

Naem

Dit cruyt wordt gheheeten in Griecx ende in Latijn Stichas en Stoechas. In die Apoteke Stichas Arabica ende Stoechados Arabicum. In Arabensch Astochodos/ ende anders gheen naemen en sijn ons noch ter tijt bekent.

Natuere

Stichas cruyt es werm ende drooghe van natueren.

Cracht ende werckinghe

A   Stichas cruyt met sijnen bloemen/ oft die aren alleene ghesoden ende ghedroncken/ openen alle verstoptheyt van lever/ longhene/ moeder/ ende van alle inwendighe leden/ suyvert ende doet sceyden alle quade humuren ende vochticheden.

B   Stichas cruyt es oock seer goet tseghen die pijne ende weedom in thooft/ ende tot die gebreken van der borsten ende van die longene/ het doet oock den vrouwen huer natuerlijcke cranckheyt comen als voor ghebruyckt.

C   Stichas cruyt ende bloemen sijn oock seer goet in die medecijnen vermenght diemen tseghen fenijn ghebruyckt.

D   Die bloemen ende bladeren van Stichas dicwils gheroken stercken die herssenen/ memorie ende die inwendighe sinnen.