[271] ende Maiorana. In die Apoteke Maiorana. In Hoochduytsch Maioran oft Meyran. Hier te lande Marioleyne oft Mageleyne. In Franchois Mariolaine ou Marone.
Natuere
Marioleye es werm ende drooghe tot in den derden graedt.
Cracht ende werckinghe
A Marioleyne in witten wijn ghesoden es seer goet veel ghedroncken den ghenen die dwater beghinnen te laden/ ende die de droppelpisse hebben ende huer water niet wel en kunnen ghelossen/ ende die dat crimpsel in den buyck hebben.
B Marioleyne in der selver manieren ghebruyckt doet den vrouwen huer natuerlijcke cranckheyt wedercomen. Tselve doet zy met een pessus van onder gheset.
C Marioleyne ghedroocht ende met huenich vermenght doet sceyden dat gheronnen bloet/ ende die blauw gheslaghen plecken vergaen/ daer op gheleyt.
D Marioleyne met sout ende edick/ es seer goet geleyt op die steeck van den scorpioenen.
E Een plaester van Marioleyne met olie ende was ghemaeckt verteert die coude gezwellen ende es seer goet gheleyt op |