|
Tfatsoen
Neottia ovata - Grote keverorchis
|
Bifolium, Tweebladt
- 1644 Vlaams: Standelcruydt (Bastaert-), Tweebladt
- 1616 Latijn: Pseudo-orchis sive Bifolium
- 1554/1557: Alisma, Bifolium, Doublefueille, Ellebore blanc sauvage, Hellebore blanc sauvage, Helleborine, Ophris, Persefueille, Plantain aquatique, Tweebladt, Zveyblatt, Zweyblat
|
[260] 1 Tweebladt heeft eenen ronden effenen steel/ daer aen wassen niet meer dan twee bladeren/ den bladeren van grooten Wechbree ghelijckende. Van den middel van den steel tot boven toe wassen rontsomme den steel vele gruen geele bloemkens schier ghelijck cleyne voghelkens ontploken/ den bloemen van veel Satyriones niet seer onghelijck. Die wortel heeft vele veselingen.
Neottia nidus-avis - Vogelnestje
|
Neottia, Margendrehen (Voghels nest)
- 1644 Vlaams: Voghelsnest
- 1616 Latijn: Neottia [553]
- 1554/1557: Margendrehen, Nid d'oyseau, Voghelsnest
|
2 Margendrehen hebben cale stelen sonder bladeren bringhende in dopperste ghelijck een are met bloemen. Ende dese stelen met hueren bloemen sijn bruyn houtvervwich van coluere/ schier ghelijckende den stelen van die Brem rape (daer af wy in tseste deel ons cruydeboecx scrijven selen) maer teerder ende niet zoo dick. Die wortelen sijn faselachtich duer een ander verweert.
Plaetse
1 Tweeblat wast gheerne in vochtighe waeterachtighe beempden.
2 Margendrehen worden op vochtighe sandachtighe velden ende in die bosschen ghevonden.
Tijt
Beyde dese cruyden comen in Meye ende in Braeckmaent voort.
Naem
1 Dierste van desen cruyden wordt nu ter tijt in Latijn gheheeten Bifolium. In Hoochduytsch Zveyblat. In Neerduytsch Tweebladt/ ende wordt van sommighen gehouwen voor dat Ophris daer Plinius af scrijft/ van anderen voor een gheslacht van Duerwas/ van den derden voor een Alisma oft water Wechbree/ van eenigen oock voor Helleborine dat is wildt wit Niescruyt.
2 Dat ander gheslacht wordt van Hieronymo Bock Margendrehen ghenaempt/ ende |
|
[261] hier te lande van sommigen Herbaristen om dat die wortelen ghelijck eenen nest duer een ghevlochten sijn Voghels nest.
Natuere cracht ende werckinghe
Deser cruyden natuere ende cracht is noch ter tijt onbekent/ ende daerom en worden sy oock in der medecynen niet ghebruyckt. Sommige scrijven dat zy van natueren den Satyriones ghelijck sijn/ maer daer af en hebben wy gheen sekere redene oft experientie. |