Plantaardigheden.nl - Leesmaar.nl Capitel 22 Deel 2 Cruijdeboeck 1554

Leesmaar.nl
Dodoens en andere bijzondere boeken

Plantaardigheden.nl
Artikelen over planten

Leeswerk.nl
Plantenboeken opengelegd

1554	Cruijdeboeck met transcriptie (overgeschreven)
A \| B \| C \| D \| E \| F \| G\| H \| IJK \| L \| M \| N \| O \| P \| QR \| S \| T \| U \| V \| WXYZ
Voorwerk Nederlandse, Duitse, Franse, apothekers-, Latijnse en Griekse namen
Deel 1
Deel 2 Bloemen, welrieckende cruyden, saden, ende dyer ghelijcken Planten Alfabetisch
Deel 3
Deel 4
Deel 5
Deel 6
Register van die cracht der Cruyden

* Oude Nederlandse namen
* Project Dodoens
Woordenboek Nederlandsche Taal
Plantago PlantIndex
Letter: druk op CTRL, draai ook aan muiswiel
Bijgewerkt 28-04-2023

« Cruijdeboeck deel 2 capitel 22, bladzijde 212-213 Zie volgende pagina »

Van Mariettes. Cap. xxii.

Cruijdeboeck deel 2 capitel 22 Bladzijde 212	Tfatsoen
	Tfatsoen
Cruijdeboeck deel 2 capitel 22 Bladzijde 213	[213] Dese schoone seer liefelijcke bloemen/ hebben ierste byder aerden langachtighe/ breedachtighe/ ende wat hayrachtighe bladeren/ den bladeren van Jenetten niet seer onghelijck. Ende daer tusschen coemt in tweede iaer/ een oft meer stelen voort/ met veel aenwassende sijde tacxkens/ ende met ghelijcken maer wat mindere bladeren becleet. Aen dese steelkens wassen vele schoone seer liefelijcke hole bloemen/ van vervwen schoon peersch/ van fatsoene den bloemen van dat groot Halscruyt niet seer onghelijck/ maer veel meerder ronder/ ende om die canten niet zoo diep ghekerft/ die eer zy open gaen oock in vijf ploykens ghevouwen sijn/ als die bloemen vergaen sijn zoo comen daer ronde bollekens voort/ die met vijf rouwe/ hole/ corte/ botte steertkens oft hoofkens becleet sijn/ anders den bollekens van Raponcelen oft van Halscruyt ghelijck van fatsoene. In dmiddel van den bollekens leyt dat saet/ dat cleyn ende castanie bruyn is. Die wortel is wit ende dick met veel aenwassende syde tacken. Plaetse Dese schoone bloemen worden in der cruyt liefhebbers hoven ghesayet/ ende en sijn noch niet seer ghemeyn. Tijt Dese bloemen bloeyen van in Hoymaent tot in Herfstmaent oft noch spader/ ende te wyle dat zy bloeyen zoo leveren zy oock huer saet/ want aen dit cruyt/ corts naer dat begost heeft te bloeyen/ zoo vindt men altijt knoppen bloemen ende rijp saet. Naem Dese schoone bloemen worden gheheeten in Latijn Violae Marianae. In Duytsch ende Franchois Mariettes. Natuere Dese bloemen ende sonderlinghe die wortelen daer af sijn cout ende drooghe van natueren. Cracht ende werckinghe A Mariettes sijn van crachten ende werckinghe den grooten Halscruyde ghelijck/ in der selver manieren ghebruyckt.