Plaetse
[201] Dit cruyt wast op goede vette corenvelden tusschen die Tervwe.
Tijt
Dese bloemkens bloeyen in Braeckmaent ende in Hoymaent.
Naem
Dit cruyt wordt in Griecx ende in Latijn Onobrychis geheeten. In die Apoteke eest onbekent. Hier te lande Vrouwen spiegel.
Natuere
Tes werm ende drooghe van natueren ende subtijl makende.
Cracht ende werckinghe
A Dit cruyt in wijn gesoden ende gedroncken/ doet die urine lossen ende geneest die droppelpisse. Tselve cruyt gestooten ende op herde gezwellen geleyt/ doet sceyden ende verteert die selve.
B Vrouwen spiegel met olie ghemenght/ doet het sweet voortcomen als het lichaem daer mede bestreken wordt. |