Pestilentie wortel heeft groote ronde bladeren die ierst den Hoefbladeren ghelijck zijn ende daer naer zoo groot worden datmen met een blat een cleyn ront tafelken bedecken mach/ ende zijn op die een zijde schoon gruen/ en op die andere witachtich van coluere. Hueren steel es hol ende ontrent een spanne hooch/ aen dopperste vol van veel cleyn lijfvervwighe bloemkens dick by een ghehoopt/ die met hueren steel vergaen sonder saet voortebrenghene. Die wortel es dick/ binnen wit/ en bol/ sterck en bitter van smaecke.
Plaetse
Dit cruyt wast gheerne in natte vochte plaetsen/ ontrent den Rivieren en water loopen.
Tijt
Die bloemen van Pestilentie wortele verthoonen huer in tbeghinsel vander Meerte ende in den Aprill zoo vergaen zy/ ende dan zoo comen die bladeren voort die allen den
In Griecx ende in Latijn wordt dit cruyt Petasites gheheeten/ inder Apoteken eest onbekent/ in Hoochduytsch wordet Pestilentz wurtzel ghenaempt/ in onser talen Docke bladeren ende Pestilentie wortel.
Natuere
Pestilentie wortel es drooghe tot in den derden graet.
Cracht en werckinghe
A Pestilentie wortel ghedroocht/ ghepoedert en met wijn ghedroncken es een seer costelijcke medecijne teghen die pestilentie ende pestilentiale cortsen/ want zy doet den mensche zweeten/ ende daer duer drijft zy alle fenijn en quaet vier vander herten. Sy doodet die wormen/ en es een crachtighe medecijne teghen dat opclimmen ende obstijghen van der moedere/ inder