Deel 6 Van der boomen, haghen, ende alle houtachtighe gewassen, en van huerder vruchten, gummen ende sapen ondersceet, fatsoen, naem, natuere, cracht ende werkinghe PlantenAlfabetisch
Noot: Dodoens vermeldt alleen de naam Terbenthijnboom ("Die oprechte ende
waerachtighe Terbenthijn, vloeyet uut den Terbenthijn boom").
Rhetine terminthine, Resina Terebinthina (Terebinthina Veneta),
(oprecht) Terbenthijn,
Terbenthijn van Venegien, hars van de Terpentijnboom
(vergelijk hoofdstuk 79)
Noot: Volgens Clusius (1557) heet de hars van deze boom niet Terebinthina Veneta,
maar alleen Resina Terebinthina of Gluten albotin (Albotin is de Arabische naam voor de
Terpentijnboom).
Die oprechte ende waerachtighe Terbenthijn/ vloeyet uut den Terbenthijn boom/ ende es een schoone claere duerschijnige
weecke ende vochtige Herst/ die aromatijck ende wat bitterachtich es/ van smaecke den scorssen van den Citroenen oft Limoenen appelen seer ghelijck.
Naem
Dese schoone Herst heet in Griecx Rhetine Terminthine/ In Latijn Resina Terebinthina/ In sommighe Apoteken hier te lande Terebinthina Veneta/ dat es Terbenthijn van Venegien/ om dat hy van uut Italien ende Venegien hier te lande ierst ghecomen es.
Natuere
Terbenthijn es werm ende drooghe tot in den tweeden graedt/ ende duer sijn bitterheyt oock suyverende ende afvaghende/ ende suyvert beter dan eenich ander Herst.
Cracht ende werckinghe
A Terbenthijn inghenomen ontrent een once swaer/ doet camerganck hebben ende iaecht daer duer af geele cholerijcke vochticheyt ende andere quade humoren/ hy suyvert oock die nieren ende lendenen/ hy doet water maken ende dat graveel lossen/ ende rijsen.
B Terbenthijn met Notemuscaten ende suycker ontrent een not groot inghenomen/ gheneest die droppelpisse/ ende es seer goet
tot die vloet van den scamelijcke leden.
C Terbenthijn met huenich gheleckt suyvert die borste ende longhene seer wel/ ende doet die fluymen lossen ende rijsen.