Noot: Clusius (1557) is preciezer. Hij onderscheidt twee soorten (beide met een
houtsnede):
1. Sium of Laver (Nasturtium aquaticum in de apotheek), Waterkersse, en
2. Sisymbrium cardamine of Sium, ook Flos cuculi en Nasturtium aquaticum geheten,
cleyn Waterkersse of Coeckoecksbloemen
Nasturtium officinale - Witte waterkers
Zie alle foto's van Bioweb Plantengids
Sisymbrium cardamine, Sium (Nasturtium aquaticum), water Kersse (Waterkersse)
[668] Waterkersse heeft ronde hole stelen ontrent eenen voet lanck/ daer aen wassen schoon gruene/ ghesneden bladeren/ die meerder sijn dan die bladeren van die Hofkersse. Die bloemkens sijn wit ende cleyn ende wassen aen dopperste lancx die stelen/ ende daer naer volghen cleyne hauwkens/ daer in dat het saet leyt/ dat cleyn ende geel es. Die wortel es wit ende veeselachtich.
Plaetse
Dit cruyt wast in die grachten/ ende staende wateren/ ende in sommighe fonteynen.
Tijt
Waterkersse bloeyet in Hoymaent ende Ooghstmaent.
Naem
Dese Kersse wordt gheheeten in Griecx ende Latijn Sisymbrium cardamine/ van sommighen oock Sium. In die Apoteke Nasturtium aquaticum. In Hoochduytsch Brun cresz/ oder Brunner cresz. Hier te lande Waterkersse. In Franchois Cresson d’eaue.
Natuere
Waterkersse es werm ende droogh tot in den tweeden graedt.
Cracht ende werckinghe
A Waterkersse es goet voor salaet alleen oft met andere cruyden inghenomen/ ende alzoo ghebruyckt/ zoo doet sy water maken ende dat graveel ende den steen rijsen/ ende es goet tseghen die droppelpisse ende coupisse/ ende tseghen alle verstoptheyt van den nieren ende van der blasen.
B Waterkersse doet oock dat sproet vergaen van den aensichte ende alle vlecken/ als sy tsnachts daer op gheleyt wordt ende
smorghens afgewasschen wordt.