[540] 1 Die Roomsche Mellilote heeft ronde steelkens/ ende daer aen wassen bladeren die rontsomme ghekerft sijn den bladeren van Fenigrieck niet seer onghelijck/ altijt drije by een ghelijck aen die Claveren. Die bloemen sijn geel ende cleyn/ ende wassen veel by een/ ende als die vergaen zoo comen daer veel cleyne cromme hauwkens voort/ daer in dat het saet leyt. Die wortel es teer ende vol veeselinghen.
Melilotus altissimus - Goudgele honingklaver
Zie alle foto's van Bioweb Plantengids
|
Melilotus Germanica, Saxifraga lutea (Melilotus),
ghemeyne Mellilote (Duytsche Mellilote, geele Steenbreeck)
- 1644 Vlaams: Claveren (Welrieckende) met geele bloemen, Melilote (Geele oft Ghemeyne)
- 1616 Latijn: Trifolium odoratum sive Melilotus lutea [567]
- 1554/1557: Melilot vulgaire, Melilotus, Melilotus Germanica, Mellilote (Duytsche), Mellilote (ghemeyne), Saxifraga lutea, Saxifrage iaulne, Steinklee (grosse)
Overzicht Melilotus altissimus op deze site
Alle foto's van Melilotus altissimus op internet
Melilotus altissimus bij Kurt Stueber Gruppe Max Planck IZ
Melilotus altissimus in Plantago PlantIndex |
2 Die ghemeyne Mellilote heeft ronde stelen/ ontrent twee oft drije voeten hooch wassende/ met vele aenwassende sijde tacxkens. Zijn bladeren wassen altijt drije by een/ ghelijck aen die Claveren/ ende sijn rontsomme ghekerft ghelijck die bladeren van Fenigrieck/ oft van die Roomsche Mellilote. Die bloemen sijn geel/ ende wassen veel by een aen corte dunne steelkens ghelijck arekens/ ende als die vergaen/ zoo comen daer voort seer cleyne hauwkens/ daer in dat het saet leyt. Die wortel es lanck. Dit heel cruyt met sijnen bloemen/ es van eenen seer goeden rueck sonderlinghe alst drooghe es.
B Van desen gheslachte wordt een ghevonden dat witte bloemen heeft/ anders den voorghescreven in alle manieren ghelijck.
Plaetse
1 Die Roomsche Mellilote wast overvloedich in Italien ende sonderlinge in een landt van Italien Campania ghenaempt by die stadt Nola. Hier te lande wordt zy in der cruytliefhebbers hoven ghesaeyet.
2 Die ghemeyne Mellilote wast hier te lande aen die canten van den velden ende beempden ontrent die grachten ende waterloopen.
Tijt
Beyde dese gehslachten van Melliloten bloeyen in Hoymaent ende in Oostmaent/ ende te wyle zoo leveren sy oock huer hauwkens ende saet.
Naem
Mellilote wordt ghenaemt in Griecx Melilotos. In Latijn Melilotus ende Sertula campana.
1 Dat ierste gheslacht van desen cruyden wordt voor Mellilote te Roomen ende in Italien ghebruyckt/ ende daer om worddet ghenaempt Melilotus Italica/ ende in Duytsch Italiaensche oft Roomsche Mellilote.
2 Dat ander gheslacht wordt hier te lande en in Duytschlant in die Apoteken Melilotus gheheeten/ ende daer voor ghebruyckt/ ende daer om worddet oock ghenaempt in Latijn Melilotus Germanica. In Duytsch ghemeyne oft Duytsche Mellilote. Ende dese Mellilote wordt oock van sommighen gheheeten Saxifraga lutea/ dat es geele Steenbreeck/ ende van den Hoochduytschen in huer tale Grosse Steenklee.
Natuere
Mellilote es werm van natueren/ ende es eens deels tsamen treckende/ ende eens deels verteerende/ sceydende ende rijp makende.
Cracht ende werckinghe
A Mellilote in sueten wijn ghesoden/ alleen oft somtijts met doderen van ghebraden eyeren oft met meel van Fenigrieck oft van Lijnsaet/ oft met sijn bloeme/ oft met Cicoreye vermenght/ versuet ende vermorwet alderhande heete gheswillen/ ende
sonderlinge van den ooghen/ moedere/ fondament/ ende van der manlickheyt/ daer op gheleyt.
B Mellilote met Galnoten oft crijt/ ende goeden wijn vermenght/ gheneest die draghende quade crauwagien van den hoofde/ daer op ghestreken.
C Mellilote gruen ghestooten oft met wijn ghesoden ende op die mage gheleyt versuet die pijne ende weedom der selver/ ende doet die apostumatien sceyden die in die maghe groeyen.
D Tsap van Mellilote in die ooren ghedaen/ versuet die pijne der selver/ ende met olie van Roosen ende azijn vermenght/ doetet oock die pijne van thooft vergaen alst daer mede bestreken wordt.
E Die ghemeyne ende Duytsche Mellilote wordt in alle saken gemeynlick ghebruyckt ende goet ghevonden daer die andere goet toe es/ ende wordt meest gheorboort tot versuetenisse van pijnen ende weedom ghelijck die Camille bloemen. |