Tfatsoen
|
Noot: In zijn vertaling van het Cruijdeboeck (1557) vermeldt Clusius nog een tweede
soort (Hedysarum alterum). Vermoedelijk is dit Coronilla coronata, Bergkroonkruid. In latere edities van het Cruijdeboeck (1608, 1618, 1644) heet Securidaca Bijlkenscruydt. |
Securigera varia - Bont kroonkruid
Zie alle foto's van Bioweb Plantengids
|
- Hedysaron, Hedysarum primum, Securidaca, Pelecinon
|
[531] Securidaca heeft dunne stelen ende daer aen wassen uutghespreyde bladeren ghelijck die bladeren van Crock oft van wilden Vitsen/ maer mindere ende wat ronder. Die bloemen wassen veel by een/ ende als die vergaen zoo comen daer langhe ronde dunne hauwkens voort/ die omghecromt ghelijck twee horenen tseghen malcanderen wassen/ daer in plat saet leyt/ vier hoecxkens hebbende ghelijck een bijlken. Die wortel es dun ende teer.
Plaetse
Dit Legumen wast als Galenus seyt tot sommighe plaetsen in die Linsen/ oft als Dioscorides scrijft in die Gerste/ ende in dat Coren/ hier te lande eest onbekent/ ende en wordt niet dan in der cruytliefhebbers hoven ghevonden.
Tijt
Securidaca bloeyet hier te lande in Hoymaent ende Ooghstmaent/ ende daer naer wordt sijn saet rijp.
Naem
Dit Legume wordt gheheeten in Griecx Hedysaron. In Latijn Securidaca/ van sommighen oock Pelecinon. In Hoochduytsch/ Franchois oft Neerduytsch en hevet gheen naemen die bekent sijn.
Natuere
Tsaet van Securidaca es werm ende drooghe van natueren.
Cracht ende werckinghe
A Tsaet van Securidaca opent die verstoptheyt van der lever/ milte ende van allen den inwendighe leden/ ende es duer sijn
bitterheyt der maghen seer goet ende bequaem.
B Tot den selven sijn oock goet die ionghe bladeren ende ionghe spruytkens van Securidaca inghenomen als Galenus prince
der medecynen scrijft. |