Tijt
[206] Dese bloemen bloeyen in Meye ende in Braeckmaent.
Naem
Dit cruyt wordt nu ter tijt gheheeten in Latijn Barba hirci/ ende voor dat cruyt ghehouwen dat van den ouders in Griecx Tragoponon ende Come/ in Latijn Barbula hirci en Coma ghenaempt is. In Hoochduytsch heetet Bocksbart/ Gauchbroot. Hier te lande Bocxbaert ende Josephs bloemen. in Franchois Barbe de bouc.
Natuere
Dit cruyt is middelmatich vochtich ende werm van natueren.
Cracht ende werckinghe
A Die wortel van Bocxbaert in water ghesoden ende ghedroncken versuet die pijne ende gheneest die steeckten ende Apostumatien van der zyden.
B Die selve wortel es oock seer goet in die spyse ende tsallaet/ ghelijck die wortelen van Raponcelen ghebruyckt. |