Tfatsoen
1 Wonden cruyt heeft ronde vette broosche stelen die becleet zijn met dickachtighe vette bladeren die rontsomme wat ghekerft en vol saps zijn. Int sop van de stelen wassen veel schoone bruyn roode bloemen/ van fatsoene den bloemen van Sint Jans cruyt/ in Griecx ghenaempt Hypericon ghelijck. Die wortel es wit en seer knoppachtich.
Van desen cruyden vintmen een gheslacht dat witte bloemen heeft/ en oock een derde dat geele bloemen draecht/ anders den voorschreven ghelijck.
Plaetse
2, 3 Wonden cruyt wast gheerne in vochtighe plaetsen ende daer lombre es ende het wordt veel op Sint Jans Baptisten avont/ op scotelen oft tilioren in leem gheplant ende in die lanthuysen ghehanghen/ daert langhe gruen en wassende blijft eest dattet somtijts met water bespreyt wordt.
Tijt
Wonden cruyt bloeyet meest in Ooghstmaent.
Naem
Dit cruyt wordt in Griecx gheheeten Cymbalion en Cotyledon heteron. In Latijn |